الجـــــزيـــرة من تـــأليف ( فؤاد - ابو معــاذ )

 

شنو ياعمك ما تحركنا بي
قومي علي السباته
وورينا ابداعاتك
ههههههه

 

المشاركة الأصلية كتبت بواسطة فؤاد ابو معاذ

بسم الله الرحمن الرحيم



يا ساردية كيفن جارت الاقداار
في السوح بشوف اتلاشت الاثاار
نخلك طال عقر بقى للحدي اوكاار
لا صيص لا تمر لا عود عكف للناار
القوز انزرع برسيم وفول وشمااار
والهبول مداوم فيهو ليل ونهااار
الطير جنبو ركه لا اكل لا طاار
يا ود الحنود الحق دحيشك عاار
في راس الجزيرة العاامرة بالاشجاار
اب سبعين يعاانق اللوبا في اصرار
العيش ريف موشح يسعد الانظاار
الدوم والنبق والتمر هندي ثمااار
حليل ساقية سعد لمن يجيها عصاار
والمسمس يموج خصلاً روت كركاار
راجين البحر ينزل يبين السااار
وتبقي الحوبة للسلوكة والفرااار

ربنا يديك العافية ياخالي ويرد غربتك

وتسلم كلمات ومعاني قمة في الروعة

 

تسلم يا عمو أنا كنت فاكر نفسي الوحيد في العائلة الموهوب لكن طلعت أي كلام بالنسبة لسيادتكم تقبل تحياتي وبالمناسبة سوزان بتسلم عليك وبابا برضو كتير السلام.ربنا يديك العافية

 

الكلام دا فيه اهانة لكل ابناء عائلتك يا احمد اعمامك كلهم بيكتبو واذا ما قريت لي ولا واحد منهم برضو ما تخت انك الوحيد الموهوب امشي شوف اعمامك وراجع نفسك هل انت بنفس الموهبة بتاعتم وشوف اولادهم برضو وبعد داك قول انا الوحيد الموهوب انت ما عارف الجادة وكتاباتو ولا ما عارف هيثم فاروق ولا ما عارف نجيب مصطفى ولا ما عارف عثمان مصطفى ولا ما ععارف القائمة طويلة من عز الدين مصطفى و ايمن عثمان ولسة خليك بتحسب وانت ماشي .................................................. ......

 

والله يا احمد انشاء الله نشوف كتاباتك قريب في المنتدي ونتعرف علي موهبتك انشاء الله
تحياتي .....

 

نخلك طال عقر بقى للحدي اوكاار
لا صيص لا تمر لا عود عكف للناار شكرا علي هذه الكلمات المعبرة وفعلا لقدافتقدنا اشجار النخيل في جزيرتنا الحبيبة ولم يتبقي منه الاالقليل في ساقية سعد وود سلمان والراس والغربي